Ye kiss kaa ghar jalaa hai zaraa fikr see to hai

Ye kiss kaa ghar jalaa hai zaraa fikr see to hai
Basti main thori der magar raushnee to hai

Dariyaa main kaun doob gayaa ye na sochhiye
Saahill pay aaj thori see raunak lagi to hai

Dil main kisee kay kyaa hai koyee janataa naheen
do chaar hamkhayaalon kee mahfill jamee to hai

Khush ho rahaa hai meer-e-sipaah jung haar kar
izzat chalee gayee hai to kyaa zindagee to hai

Main is liye bhee kah naa sakaa bewafaa usay
meree na ho sakee, vo mujhay sochtee to hai

Akaash bel pee gayee pedon kaa ras tamaam
Banjar ruton kee zad main koyee shay haree to hai



Post a Comment

0 Comments