Jo hadsay yeh jahan mere naam karta hai

Jo hadsay yeh jahan mere naam karta hai
mera shaour inhain nazr-e-jam karta hai

Hamaray chak-e-geereban se khelnay walo
humain bahar ka suraj salam karta hai

humeen se mili hai qos-e-qaza ko rangeeni
hamaray dar pe zamana qayam karta hai

Yeh mai-kada hai yahn ki her ek shay ka hazoor
gham-e-hayat bohat ehtram karta hai

Faqeeha shehar ne tohmat lagai saghar per
yeh shaks dard ki dolat ko aam karta hai

Post a Comment

0 Comments