Maqamaat-e-Saleeb-o-Daar Mat Pooch

Maqamaat-e-Saleeb-o-Daar Mat Pooch,
Hamari Jurrat-e-Guftaar Mat Pooch !

Keay Kis Kis Ne Barrh Ker Waar Mat Pooch,
Pas-e-Parda Hain Kitney Yaar Mat Pooch !

Haray Hotay Hain Dil K Zakhm Aay Dost,
Ma'aal-e-Jazba-e-Isaar Mat Pooch !

Musafir Jal Gaey Sada Dili Mein,
Faraib-e-Saya-e-Dewaar Mat Pooch !

Udhar Rehzan, Idhar Khaimey Hamarey,
Kaha'n Tha Qafila Salaar Mat Pooch !

Sala-e-Amn Hai Jin K Labon Per,
Wohi Hain Barsar-e-Paikaar Mat Pooch !

Kharidaroon Ko Dekh Aur Hontth See Ley,
Mata-e-Ronaq-e-Bazaar Mat Pooch !