Jal Raha Hai Ghar Koi

Jal Raha Hai Ghar Koi,
Kuch To Ley Khabar Koi !

Is Kharaab Mausam Mein,
Kia Karay Safar Koi !

Phir Raha Hai Basti Mein,
Kab Se Dar-ba-Dar Koi !

Torr Ker Qalam Apna,
Seekh Lo Hunar Koi !

Aasmaan Ko Chuloo'n,
Saath De Agar Koi !

Ji Raha Hai Barsoo'n Se,
Teray Naam Per Koi !

Shor Hai Parindon Ka,
Kat Gaya Shajar Koi !

Manziloo'n Se Kia Lena,
Dhoond Rehguzar Koi !

Mil Hi Jaey Ga Rahi,
Tujh Ko Humsafar Koi !!