Ishq Mein Naam Ker Gaey Hum Log

Ishq Mein Naam Ker Gaey Hum Log,
Aisay Doobey Ubhar Gaey Hum Log !

Koocha-e-Yaar Ho K Dair-o-Haram,
Khamshi Sey Guzar Gaey Hum Log !

Dhoop Nikli Kuch Itni Dair K Baad,
Apney Saaey Sey Dar Gaey Hum Log !

Baandh Ker Umr Bhar K Qaul-o-Qaraar,
Aik Pal Mein Mukar Gaey Hum Log !

Wajhey Poochi Gaee Hai Aaney Ki,
Jahaa'n Pohnchey, Jidhar Gaey Hum Log !

Rah Mein Qafiley Ki Soorat Thay,
Sar-e-Manzil Bikhar Gaey Hum Log !

Koi Pehchanta Nahin Rahi !
Ko-ba-Ko, Dar-ba-Dar Gaey Hum Log !