Main khush to hon lekin

Yahi waada lia tha na,

Humesha khush he rehna hai,

To dekho, dekh lo aa kar,

Meri ankhon ko dekho tum,

Ye kitni shokh lagti hain,

Mere honton ko dekho tum,

Humesha muskurate hain,

Koi bhi gham ager aaya,

Isay hans ker saha main ne,

Mere chehre ko dekho tum,

Humesha pur-sukoon ho ga...

Tou socho ge ye jaanan!!!

Kia tha main ne jo tum se,

Wo waada ker dia poora,

Magar aik baat hai pyare!!!

Kabhi jo waqt mil jaye,

To meri shayeri parrhna,

Tumhain mahsoos to ho ga,

Kahin talkhi bhara lehja,

Kahin pe sard sa lehja,

Kehin pe dard ki jheelain,

Kehin lehje ki karrwahat,

Suno, ye ghor se sun lo,

Main khush to hon lekin,

Lahoo her lafz rota hai,

Lahoo her lafz rota hai...!!!

Post a Comment

0 Comments