wahi tha rung udasi ka raah guzar jaesa.
mery ghar bhi raha aalum wahi safar jaesa.
duaeN dy mery ashkoN ko sham-e-hijr k chand,
damak gaya tera chehra meri sehar jaesa.
rula gaya mujhy tunhayoN ki munzil par,
khuloos moj-e-hawa ka wo hum safar jaesa.
kisey bataoN k uss se bichar k kiya goozri,
kahaN gaya wo mery gum se be khabar jaesa.
too ujnabi he to shayad tujhy raas na aaey,
ujaar dusht ka andaaz mery ghar jaesa...
0 Comments