Abhi Vo Dard Baqi Hai...

Abhi Vo Dard Baqi Hai...! 

Agercha Waqt Merham hai, 

Mager Kuch Waqt Lagta hai, 

Kisi ko Bhool Janay mein, 

Dubara Dil Basanay main. 

Abhi Kuch Waqt Lagna Hai, 

Abhi Vo Dard Baqi Hai. 

Mein Kesay Nayee Ulfat main, 

Apni Zaat Ko Gum Ker Don, 

K Mere Jism-o-Wajdaan Mein, 

Abhi Vo Fard Baqi Hai. 

Abhi Us Shakas Ke Mugh Per, 

Nigah-e-Sard Baqi Hai, 

Abhi To Ishq K Rastoon Ke, 

Mujh Per Gard Baqi Hai, 

ABHI VO DARD BAQI HAI......!!!