Kuch aise log jo zehen se bhulaey nahi jate

Kuch aise log jo zehen se bhulaey nahi jate
Kuch aise lamhe jo dil se mitaye nahi jate

Dard ki chadrein meri ghazlon ko dhaanp leti hain
Mujh se sheiron mey naye raang dikhaye nahi jate

Bebasi barh ke meri ankhon mey uter aati hai
Meri hansi mey mere aansoo chupaye nahi jate

Teri tehriron se aati hai tere hathon ki mehak
Bewafa mujh se tere khat jalaye nahi jate

Wafa ki rahon mey bhujne ke baad ye jana hai
Sar e hawa deeye mohabbat ke sajaye nahi jate

Aye mere Khuda taqdir ko itna to bataya hota
Dukhon ke pahaar insanon pe giraye nahi jate