Ab Kia Kisi Ko Chahein K Hum Ko To In Dinon

Wo Silsilay Wo Shoaq Wo Nisbat Nahi Rahi
Ab Zindagi Mein Hijar Ki Wehshat Nahi Rahi

Toota Hai Jab Se Uski Masihayi Ka Talism
Dil Ko Kisi Masiha Ki Hajat Nahi Rahi

Phir Youn Huwa K Koi Shanasa Nahi Raha
Phir Youn Huwa K Dard Mein Shiddat Nahi Rahi

Phir Youn Huwa K Ho Gaya Masroof Wo Bohat
Or Hum Ko Bhi Yaad Karne Ki Fursat Nahi Rahi

Ab Kia Kisi Ko Chahein K Hum Ko To In Dinon
Khud Apne Aap Se Mohabat Nahi Rahi..