Tujhse Main Pyar Karti Hoon Bandagi Ki Tarah

Tujhse Main Pyar Karti Hoon Bandagi Ki Tarah,
Tu Mere Zaat Mein Shaamil Hai Zindagi Ki Tarah,

Mere Khayal Par Galib Hai Ek Teri Surat,
Tujhko Hi Sochti Rehti Hoon Shayri Ki Tarah,

Saja Ke Aankhon Mein Rakhein Hai Sab Tere Jalwe,
Andheri Raat Ke Lamho Mein Roshni Ki Tarah,

Tere Wajood Se Baaki Hai Meri Ummidein,
Tum Hi Base Ho Mere Dil Mein, Dhadkan Ki Tarah,

Isse Badh Ke Main Tumhe Chahun Kaise,
Nas Nas Mein Tum Sama Chuke Ho Lahoo Ki Tarah,

Aur Tumhe Kya Malum Tum Meri Zindagi Ho,
Humne Chaha Hai Tumhe Zindagi Ki Tarah...

Post a Comment

0 Comments