Itne Dino Ke Baad Tu Aya Hai Aaj

Itne Dino Ke Baad Tu Aya Hai Aaj,
Sochta Hoon Kis Tarah Tujhse Milun,

Mere Andar Jaag Uthi Ek Chandni,
Main Zameen Se Aasman Tak Ek Ang Hoon,

Aur Ujala Ho Gaya Qurbat Ka Chand,
Aur Gehra Hogaya Tera Fusun,

Aye Saraapa Rang-O-Nikahat To Bata,
Kis Dhanak Se Tera Pairaahan Banun,

Saare Gul-Butte Tar-O-Taza Hue,
Door Tak Pahuchi Hai Meri Mauj-E-Khoon,

Kar Rahe Hai Lamhe Lamhe Ka Hisaab,
Mil Ke Phir Baithe Hai Yaaran-E-Junoon,

Dasht-E-Gham Ki Dhoop Mein Mujhpar Khula,
Main Khud Apna Saaya-E-Deewar Hoon,

Naaz Kar Khud Par Ki Tu Hai Beshumar,
Qadr Kar Meri Ke Main Bas Ek Hoon...

Post a Comment

0 Comments