Dil mera ! ik kitaab ki soorat

Dil mera ! ik kitaab ki soorat
jis mein woo hai, gulaab ki soorat

hum sey puuchoo ke hum guzaar aaey
zindagi ko, azaab ki soorat

husn kachhey gharrhey ka shedaaie
ishq mouj-e-chenaab ki soorat

ishq mein is tarha naheen hotaa
ye naheen hai nisaab ki soorat

main karri doopeher ki hun tanhaaie
wo shab-e-maahtaab ki soorat

pochhtaa hai ke meeri ghazloon mein
kooun hai izzteraab ki soorat

main wafaa ki woohi puraani kitaab
wo naey inntesaab ki soorat

jo naheen kar sakey, kabhi wo sawaal
us ney likhhaa jawaab ki soorat

Post a Comment

0 Comments