Hijr mosam main ye barish ka barasna kaisa

Hijr mosam main ye barish ka barasna kaisa?
Ek sahra say samandar ka guzarna kaisa?

aey meray dil na pareshan ho tanha ho kar
Wo teray sath chala kab tha bichrna kaisa?

Log kahtay hain gulshan ki tabahi dekho
Main to veeran sa jungal tha ujarna kaisa?

Dekhney mein to koi dard nahi dukh bhi nahi
Phir ye aankhoon mein ashkoan ka ubharna kaisa?

Bewaf kahney ki jurrat bhi na karna us ko
Us nay iqrar kia kab tha mukarna kaisa???