Maine poocha kaise ho

Maine poocha kaise ho
Badley ho ya waise ho

Roop wohi, andaaz wohi
Ya phir is mein koi kami

Hijr ka kuch ehsaas to hoga
Koi tumharey paas to hoga

Ham bichre ye majboori thi
Kab manzoor mujhey doori thi

saath hamaara kab chhuta hai
Rooh ka rishta kab toota hai


Aankh se jo aansu behtey hain
Tum ko khabar hai kya kehtey hain

Maine kaha aawaz tumhaari
Aaj bhi hai humraaz hamaari

Phool wafa ke khil jaayenge

Ek din phir ham mil jaayenge