Bay Hiss Hain Yahan Log

Apni Beeti Howi Rangeen Jawani Dega
Mujhko Tasweer Bhi Dega To Porani Dega,

Aadatein Milti Hain Suraj Se Bohot Kuch Uski
Waqt-e- Rukhsat Bhi Woh Ek, Shaam Sohani Dega,

Mere Maathy Ki Lakeeron Mien Izaafa Kar Ke
Woh Bhi Maazi Ki Tarah Apni Nishaani Dega,

Baraf Ho Jayega Jab Mere Lahu Ka Daryaa
Tab Kaheen Ja Ke Woh Moujoon Ko Rawani Dega,

Meine Yeh Sooch Ke Boye Nahin Khwaboon Ke Darakht…
Kon Jungle Mein Lage Pair Ko Paani Dega