sono wo jab satata ha

sono wo jab satata ha
kaha dill doob jata hay

kaha dill dobta kab hay
btaya jab satata hay

kaho kab phol khiltay hein
kaha jab muskurata hay

dharakta hay kaho dill kab
kaha jab pass ata hay

kaho dill mein hay kia uss kay
kaha wo kab batata hay

sono barham sa hay shayed ?
kahan younhi banata hay

kaha kuch tu hawa ho ga ?
kaha wo aazmata hay

buri shay ishq hay kiion kar ?
kaha shab bhar jagata hay

kaho wo bazm kesi thee?
kaha wo kab bulata hay

kaho uss ay bicharnay ki ?
bicharna kis ko bhata hay

kaho milnay ki khhuwahish hay ?
kaha bedard naata hay

batao raakh mein kia hay?
sitara jhilmilata hay

laraz jati hein kab palkein ?
nazar jab wo jamata hy

thehar jati hay dharkan kab?
nazar say jab girata hay