Tumhay jafa se yun na baaz aana chahiye tha

Tumhay jafa se yun na baaz aana chahiye tha
Abhi kuch or mera dil dukhana chahiye tha

Taveel raat k pehloo main kab se soye hai
Naveed-e-Subhah tujhey jaag jana chahiye tha

Bujhey chiraghon main kitnay hain jo jalay hi nahi
Savaad-e-waqt inhe jagamagana chahiye tha

Ajab na tha k qafas saath le k urr jatay
Tarapna chahiye tha pharpharana chahiye tha

Yeh meri haar k karya-e-jaan se haara magar
Bicharnay walay tujhey yaad aana chahiye tha

Tamam umar ki aasudgi-e-visal k baad
Firaaq aakhri dhoka tha khana chahiye tha