Is Kaa Gilaa Nahii K Duaa Be-Asar Gaii
Ik Aah Kii Thii Wo Bhii Kahiin Jaa K Mar Gaii
Aye Ham-Nafas Na Puuchh Javaanii Kaa Maajraa
Mauj-E-Nasiim Thii, Idhar Aaii, Udhar Gaii
Daam-E-Gham-E-Hayaat Men Uljhaa Gaii Umiid
Ham Ye Samajh Rahey They K Ehasaan Kar Gaii
Is Zindagii Se Ham Ko Na Duniyaa Milii Na Diin
Taqadiir Kaa Mushaahidaa Kartey Guzar Gaii
Bas Itanaa Hosh Thaa Mujhey Roz-E-Vidaa-E-Dost
Viiraanaa Thaa Nazar Men JahaaN Tak Nazar Gaii
Har Mauj Aab-E-Sindh Huii Waqf-E-Pech-O-Taab
"Mehroom" Jab Vatan Men Hamaarii Khabar Gaii
0 Comments