Tumharay khat main naya ik salam kis ka tha
na tha raqeeb to aakhir wo naam kis ka tha
wafa karain gay nibahain gay baat manain gay
tumhain bhi yaad hai kuch ye kalam kis ka tha
raha na dil main wo be dard aur dard raha
muqeem kon huwa hai, maqaam kis ka tha
na poch guch thi kisi ki wahan na aao bhagat
tumhari bazm main kal ehtamam kis ka tha
guzr gaya wo zamana kahon to kis se kahon
khayal dil ko mere, subh o shaam kis ka tha
her ik se kehtay hain kya, Dagh be wafa nikla
ye pochay un se koi, wo ghulam kis ka tha
0 Comments