rah chalte hoye wo yonhi dobara mil jaye

rah chalte hoye wo yonhi dobara mil jaye
sham ko jese koi subah ka tara mil jaye

nao ban jaye koi shor machati hoye lahar
kya khabar dobne walon ko kanara mil jaye

aur phir aisa muqadar bhi kahan hai apna
ke diya dhoondne niklen to sitara mil jaye

kis qadar roshni hoti thee meri ankhon mein
kash wo khoya hua khwab dobara mil jaye

dhondne wala koi ho to bohat mumkin hai
iss kharabe mein koi naqsh hamara mil jaye