yun mujhay kab talak sahogay tum
kab talak mubtala rahogay tum
dard-mandi ki mat saza pao
ab tau tum mujh se tang aa jao
mein koi markaz-e-hayat nahin
wajah-e-takhleeq-e-kainaat nahin
mera har charah-gar nidhaal hua
yani’ mein kia hua wabaal hua
Jaun gham k hujoom se niklay
aur janaaza bhi dhoom se niklay
aur janazey mein ho yeh shor-e-hazeen
aaj woh mar gaya jo tha he nahin
0 Comments