besabab baat barhaane

besabab baat barhaane kii zaruurat kyaa hai 

ham Khafaa kab the manaane kii zaruurat kyaa hai 

aap ke dam se to duniyaa kaa bharam hai qaayam 

aap jab hain to Thikaane kii zaruurat kyaa hai 

teraa kuuchaa, teraa dar, terii galii kaafii hai 

beThikaano ko Thikaane kii zaruurat kyaa hai 

dil se milane kii tamannaa hii nahiin jab dil mein 

haath se haath milaane kii zaruurat kyaa hai 

rang aankhon ke liye buu hai damaagon ke liye 

phuul ko haath lagaane kii zaruurat kyaa ha