Suno Acha Nahin Lagta

Suno Acha Nahin Lagta 

Ke Koi Dosra Dekhay 

Tumhari Sharbati Aankhen 

Lab-o-Rukhsaar Aur Pakein 

Siyah Lambi Ghanee Zulfein 

Seharay Dosra Koi 

Mujhay Acha Nahin Lagta 

Suno Acha Nahin Lagta 

Kare Jab Tazkara Koi 

Kare Jab Tabsara Koi 

Tumhari Zaat Ko Khoojay 

Tumhari Baat Ko Soochay 

Mujhay Acha Nahin Lagta 

Suno Acha Nahin Lagta 

Tumhari Muskurahat Per 

Hazaroon Loag Martay Hoon 

Tumhari Aik Aahat Par 

Hazaroon Dil Dharaktay Hoon 

Kise Ka Tum Pe Yuun Marna 

Mujhay Acha Nahin Lagta 

Suno Acha Nahin Lagta 

Hawa Guzray Tumhain Choo Kar 

Na Hoga Zabt Yeh Mujhse 

Karey Gustakhi Tumse 

Tumhari Zulfein Bikhar Jayen 

Tumharay Lams Pe Jayen 

Mujhay Acha Nahin Lagta 

Suno Acha Nahin Lagta 

Ke Tum Ko Phool Bhi Dekhain 

Tumhare Paas Se Mehkein 

Ya Chanda Ki Guzarish Hoo 

Ke Apni Roshni Bakhshoon 

Rukh-e-Jana Koi Dekhay 

Mujhay Acha Nahin Lagta