Mumkin hay chashm-e-num ko sitara na ker sako

Mumkin hay chashm-e-num ko sitara na ker sako

Mumkin hay tum bhi koi ishara na ker sako

Mumkin hay zeher day kay ataa ker do zindagi

Mumkin hay ye karam bhi dobara na ker sako

Mumkin hay mera hukam bhi tum ko qabool ho

Mumkin hay ye iltajaa bhi gawaraa na ker sako

Mumkin hay do qadam pe badal jao rasta

Mumkin hay umer-bhar kinara na ker sako

"Mumkin hay meray baghair bita lo ye zindagi

Mumkin hay apnay saath bhi guzaraa na ker sako"