Ab tak wohi KHwaab hain wohi mein

Ab tak wohi KHwaab hain wohi mein

Wohi mere gulaab hain......... wohi mein

Ye jism ke jaaN ki tashnagi hai

Wohi taaza saraab hain wohi mein

Zinda hun abhi to maat kaisee ??

Wohi jaaN ke azaab hain...wohi mein

Kehti hai zubaaN KHamoshiyon ki

Wohi dard ke baab hain wohi mein

PaRhte huay jin ko um'r guzri

Wohi chehrey kitaab hain wohi mein

Likhte huay jin ko jaan jaey

Wohi har'f e nisaab hain wohi mein

Wohi ranjishe apne dostoN se

Wohi dil ke hisaab hain wohi mein

Aate hain magar nahin baraste

Wohi tashna sahaab hain wohi mein

Aankhon mein wohi sitaara aankhen

Wohi dil mein gulaab hain wohi mein

Duniya ke sawaal..........aur duniya

Wohi mere jawaab hain....wohi mein !!