Tum zindagi ko gham ka


Tum zindagi ko gham ka
Fasana bana gaye
Aankhon main intezar ki
Duniya basaa gaye
Tum se thi mere pyaar ki
Duniya basi hui
Tum se thi zindagi ki
Andehre main roshani
Tum kiya gaye
chirag_e_mohabbat
bujhaa gaye
Duniya ujhar gayi
Mere sabr o karaar ki
Ro ro k raat kaatti hoon
Intezaar ki
Jab chaand par nazar pari
Tum yaad a gaye

Pyar ki raah main aisay bhi maqaam aatay hain


Pyar ki raah main aisay bhi maqaam aatay hain
sirf aansu jahan insaan k kaam atay hain

unki aankhon se rakhay kya koi umeed e karam
pyas mitt jaye to gardish main wo jaam aatay hain

zindagi ban k wo chaltay hain me'ri saans k sath
un ko aisay bhi kai tarz e kharaam aatay hain

hum na chahain to kabhi shaam k saye na dhalain
hum tadptay hain to subhoon k salam aatay hain

qowwat e dast e talab ka nahin jin ko idraak
teray dar se wohi be neel maraam aatay hain

munh chupa letay hain gham hazrat e nasaih ki tarha
jab bhi maikhany main rindaan e karaam aatay hain

hum pe ho jain na kuch aur bhi ratain bhari
yaad akser wo hamain ab sir e shaam aatay hain

chin gaye hum se jo halaat ki rahoon main Qateel!
un haseenon k hamain ab bhi payaam aatay hain.

SAB KUCH TU TERE PASS HAI.


SAB KUCH TU TERE PASS HAI...
Tu phir kiyon dil udass hai?....
Hai piyar bhi tere liye....
Khayal bhi tere liye....
Ye dil bhi tere pass hai....
Tu phir kiyon dil udass hai?...
Main sochta hoon bas tujhe...
Main dekhta hoon bas tujhe...
Jab mujh pe etebaar hai...
Tu phir kiyon dil udass hai?...
Hai zindagi tere liye Ye dil, khushi tere liye...
Ye sab jo tere pass hai...
Tu phir kiyon dil udaas hai?...
Too neend main, tu khwab main...
Too mere dasht-o-aab main...
Har pal too mere saath hai...
Tu phir kiyon dil udass hai?...
Har simt hain gul khile houe....
Hain dost bhi mile houe...
Har simt piyar hi piyar hai...
Tu phir kiyon dil udass hai?...
Ye dil, khushi or etebaar...
Ye dost, khwab or ye piyar...
Sab kuch tu tere pass hai...
Tu phir kiyon dil udass hai?

Tujh se mil kr bhi kuch kafa hain hum

Tujh se mil kr bhi kuch kafa hain hum
Be murawat nhi to aur kia hain hum

Hum gam-e-karwan mein behte thy
log samjhe k shikasta paa hain hum

Eis tarah se hamein raqeeb miley
jaise muddat k aashna hain hum

Rakh hain hum agr ye aag bhujhe
Juz dard-o-gam k aur kia hain hum

Khud KO sunte hain is tarah jaise
Waqt ki aakhari saada haain hum

Q Zamaney KO ilzaam dein FARAZ
WO NHI hain to be wafa hian hum

gaisoo_un ki hawa na day jana

gaisoo_un ki hawa na day jana
neend ko bad duwa na day jana

jis ka maatam kiya tha ghalib ne
mujh ko woh boriya na day jana

ker rahay ho ilaaj e wehshat e dil
koi ulti dawa na day jana

mujh ko insaan ki zarurat hai
reham kha ker khuda na day jana

hashar mein kon kis ko milta hai
hashar ka aasraa na day jana

main adam huun gharz parast nahin
mujh ko arz o sama na day jana

diidah ashkbaar hai apnaa

diidah ashkbaar hai apnaa
aur dil-e-be-qaraar hai apnaa

chashm-e-giryaaN se, chaak-e-daamaaN se
haal sab aashkaar hai apnaa

haa-o-huu meN har ek khoyaa hai
kaun yaaN Gham-gusaar hai apnaa

sirf ek vo haiN sab ke muKhtaar
un pe kyaa iKhtiyaar hai apnaa

bazm se un ke jab se niklaa hai
dil Gharib-ud-dayaar hai apnaa

hai yahii rasm-e-maikadaa shaayad
nashaa un kaa, Khumaar hai apnaa

kyaa Ghalat sochte haiN “Miraji”
sher kahnaa sha’ar hai apnaa

Dard ki Barish


aik hii muzhdah subh laatii hai

aik hii muzhdah subh laatii hai
sehn meN dhuup phail jaatii hai

kyaa sitam hai ke ab terii suurat
Ghaur karne pe yaad aatii hai

sochtaa huuN ke us kii yaad aaKhir
ab kise raat bhar jagaatii hai

us vafaa-aashnaa kii furqat meN
Khvaahish-e-Ghair kyuuN sataatii hai

kaun is ghar kii dekh-bhaal kare
roz ek chiiz TuuT jaatii hai

Bahot Afsura lagtey hen mujhey ab Yar ke Qisey

Bahot Afsura lagtey hen mujhey ab Yar ke Qisey
Gul-O-Gulzar ki Batehn.... Lab-O-Rukhsaar ke Qisey


Yahan sab ke moqader mein faqad Zakham-e-Judayi hai
Sabhi Jhootey Fasaney hen, Wisal-e-Yar ke Qisey


Bhala Eshq-O-mohabat se kisi ka Pet Bharta hai ?
Suno, Tum ko Sunata hon main Karobaar ke Qisey


Merey Ehbaab kehtey hen Yehi Ek Aaib hai mujh mein
Sar-e-Dewar likhta hon, Pas-e-Dewar ke Qisey


Main Aksar es ley Logo'n se ja ker khud nhi milta
Wohi Be-Kaar ki Batehn.... Wohi Be-Kaar ke Qisey

Design Poetry



Sheeshay se bani ek larki

Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi
Sheeshay se bani ek larki
Patthar ke nagar mein aayi
Sheeshay se bani yeh larki
Is baat se hai anjaani
Jab rait chamakti hai to
Lagti hai door se paani
Yeh phool hain sab kaaghaz ke
Lekin woh samajh na paayi
Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi
Sheeshay se bani larki se
Keh do ke na baad mein rona
Kuch log hain jo peetal ke
Kehte hain woh khud ko sona
Yeh jhoot ka pul tootega
Aur gehri hai gham ki khaayi
Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi


Kabi Andherey, Kabi Ujaaley

Kabi Andherey, Kabi Ujaaley

Mohabato'n ke safar Niraaley

Ajab sahaara bana hai wo bhe

Kabi gira dey, Kabi Utha ley

Wohi samander, Wohi Kinaara

Kabi Dabo dey, Kabi Bacha ley

Main apney Zakhamo'n ko see to lon ga

Wo apna Khanjer to azma ley

Main Lamha Lamha Pigel raha hon

Osey kaho ab Nazer hata ley....!!!

Diya khud sy bujha dena

Diya khud sy bujha dena,
Hawa ko or kya dena...?

Stary nochny walo,
Falak ko aasra dena...!

Kabhi is tor sy hansna,
K dunya ko rula dena...!

Kabhi is rung sy rona,
K khud pr muskura dena...!

Main teri dastras chahon,
Mujhy aesi dua dena...!

Main tera barmla mujrim,
Mujhy khul kar saza dena...!

Main tera munfarid sathi,
Mujhy hat kar jaza dena...!

Mera sar sb sy ooncha hy,
Mujhy maqtal naya dena...!

Mujhy acha laga Mohsin,
Usy pa kar ganwa dena...!


Bujhey Bujhey se Aajeeeb Din hen

Bujhey Bujhey se Aajeeeb Din hen

Khowab hen na Khyal koi

Na manzaro'n me koi kashish hai

Na mosamo'n me Jamal koi

Ham aik Doojay ko apni apni

Adhoori Aankho'n se dekhtey hen

Hamari Barso'n ki chahto'n per

Oter raha hai Zawal koi

Jo Hansna chahe'n to Ashek niklen

Jo Rona chahe'n to Hanstey Jian

Hamarey Jazbaat girrvi rakh ker

Bana raha hai misaal koi....!!!



Taskeen na ho jis se, wo Raz badel dalo

Taskeen na ho jis se, wo Raz badel dalo
Jo Raz na rakh paye, wo Hamraz badel dalo

Tum ne bhe suni ho gi, Bari Aam kahaawat hai
"Anjaam ka ho khatra, Aghaaz badel dalo"

Pur soz Dilo'n ko jo Muskaan na dey paye
Sun hee na miley jis mein, Wo saz badel dalo

Dushman key Iraado'n ko hai Zahir agar krna
Tum khel wohi khelo, Andaz badel dalo

Aye Dost ! kro himat kuch Door swera hai
Agr chahtey ho manzil to Parvaaz badel dalo...!!!

Design Poetry





Design Poetry



Suna hoga bohot tum ne

Suna hoga bohot tum ne
Kahein aankhon ki rim jhim ka
Kahein palkon ki shabnam ka
Parha hoga bohot tumne
Kahein lehjay ki barish ka
Kahein sagar ke aanso ka
Magar tum ne kabhi humdam
Kahein daikhay? Kahein parkhay?
Kisi tehreer ke aansoo?
Mujhe teri judaai ne
Yehi miraag bakhshi hai
Keh main jo lafz likhta hoon
Who saray lafz rotay hein
Ke mein jo harf bunta hoon
Who saray bain kartay hein
Mere sang es judaai mein
Mere alfaz martay hein
Sabhi tareef kartay hein
Meri tehree ki lekin
Kabhi koi nahi suntan
Mere alfaz ki siski
Falak bhi jo hila daalay
Mere lafzon mein hain shamil
Usi taseer ke aansoo

Kabhi daikho mere humdum
Meri tehreer ke Aansoo....!!!

Do ghari Neend sula do mujh ko

Do ghari Neend sula do mujh ko
Ek neya khowab dikha do mujh ko

Na paunch paon main chaltey chaltey
Aisy manzil ka pata do mujh ko

Zindagi Talkh hoi jati hai
Ab na Jeeney ki Dua do mujh ko

You'n hee kam ho gi Jalan Aankho'n ki
Tum zara aur rula do mujh ko

Juram to koi na sabit ho ga
Be-gunaahi ki saza do mujh ko...!!!

Ye shab-e-Firaq, Ye Be-Basi

Ye shab-e-Firaq, Ye Be-Basi
Hen Qdam Qadam pe Odasiyaa'n

Mera sath koi na dey saka
Meri Hasrate'n hen Dhowa'n Dhowa'n

Main trap trap key Jiya to kya
Meray khowab mujh se Bicher gaye

Main Odas ghar ki sada sahee
Mujy dey koi na Tasaliyaa'n

Ye saba, jo Gard-o-Ghubaar hai
Mery Be-kassi ka mizaar hai

Main Phool hon jo na khil saka
Meri Zindagi me Bahaar kahan

Chalie'n aisy Dard ki Aandhiyaa'n
Meray Dil ki Basti Ujer gai

Ye jo Raakh hai MUSLIM bujhi bujhi
Hen esi me meri Nishaaniya'n...!!!



Es dil main salamat hai ab tak

Es dil main salamat hai ab tak
Wo shokhi-e-lab WO haraf-e-wafa
So baar jesey chooma hum ney
So baar parastish ki jis ki
Es dil main salamat hai ab tak
Wo gard-e-alum WO deeda-e-nam
Hum jis main chupa kar rakhtey they
Tasvir bikharti yaadon ki
Zanjir pighaltey wadon ki
Poonji nakam iradon ki
Aae tez hawa naraz Na hoo
Es dil main salamat hai ab tak
Saman bichhrti sa’at ka
Kuch turkey garam dopaheron k
Kuch rezey naram sawalon k
Kuch dar anmol khyalon k
Ek sacha roop haqiqat ka
Ek jhota lafaz MOHABAT ka...!!

Design Poetry