Tu is qadar mujhay apnay qareeb lagta hay

Tu is qadar mujhay apnay qareeb lagta hay
tujhay alag sa jo soochon, ajeeb lagta hay

hadood-e-zaat say bahar nikal k dekh zara
na koi ghair, na koi raqeeb lagta hay

jisay na husn say matlab na ishq say sarokaar
woh shaksh mujh ko buhat bad naseeb lagta hai

yeh dosti, yeh maraasim, yeh chahatain yeh khaloos
kabhi kabhi yeh sab kuch ajeeb lagta hai

ufaq pay door chamakta hua koi taaraa
mujhay charagh-e-dayar-e-habeeb lagta hai

na jaanay kab koi tufaan aaye ga yaaro
buland mouj say saahil qareeb lagta hay

Wo apnay ghar chala gya afsos mat karo

Wo apnay ghar chala gya afsos mat karo
itna hi us ka sath tha afsos mat karo

insan apnay aap mein majboor hay bohat
koi nahi hay bewafa afsos mat karo

is baar tum ko aanay mein kuch dair ho gaee
thak haar kay wo sogya afsos mat karo

dunya mein aur chahnay walay bhi hein bohat
jo hona tha so hogya afsos mat karo

is zindagi kay mujh pay kaee qarz hein magar
mein jald lot aoon ga afsos mat karo

ye dekho phir se aagaein phoolon pay titliyan
ik roz wo bhi aiga afsos mat karo

wo tum se aaj door hay kal paas aiga
phir se khuda milaiga afsos mat karo

bekar gee pay bojh liye phir rahay ho tum
dil hay tumhara phool sa afsos mat karo

Ab Agar Aao To Jaane ke Liye Mat Aana

Ab Agar Aao To Jaane ke Liye Mat Aana
Sirf Ehsaan Jataane ke Liye Mat Mana

Maine Palkon Pe Tamannaen Saja Rakhi Hain
Dil Par Umeed ki 100 Rasmen Jala Rakhi Hain
Ye Hanseen Shamen Bujhaane ke Liye Mat Aana

Pyar ki Aag Main Zanjeer Pighal Sakti Hai
Chahne Walon ki Takdeer Badal Sakti Hai
Hoon Bebas Ye Batane ke Liye Mat Aana

Mujhse Milne ki Agar Tumko Nahi Chahat koi
Tum Sirf Rasmen Nibhane ke Liye Mat Aana



Shaam-o-saher kiska khayaal kiya,

Shaam-o-saher kiska khayaal kiya,
Mere mehboob ne aaj yeh sawaal kiya

Anjaan hain isi liye poochhte hain mujhse,
Tumne kiski khaatir apna yeh haal kiya

Kasoor nahi hain yeh aapka sanam mere,
Khud hi apne haal ko maine behaal kiya

Waqt aata jo sahih to izhaar bhi kar deta,
Intezaar isi liye maine itne layaal kiya

Mulaqaat unse ho to yeh kehna 'Husain',
Aap ka hi maine har baar khayaal kiya


Ye na samjho keh Tal rahi hi sham

Ye na samjho keh Tal rahi hi sham
Apney tewar badl rahi hi sham
Tum nahi aye aur os din se
Mery seeney me Jal rahi hi sham
Pehlti ja rahi tareeeeeki
Ek Dukh se Nikal rahi hi sham
Zard suraj chuppa raha hi Badn
Lamha Lamha Pighal rahi hi sham
Orhati ja rahi hi Khamoshi
Aisa Lagta hi Dhal rahi hi sham
Os ke hamrah chal raha hi Din
Meray hamrah chal rahi hi sham..

kabhi main yaad aaoon to

kabhi main yaad aaoon to
kabhi tanhai ke lamhay
tumhayn ziyada sataein to
kabhi koyal na bolay to
aur jugnoo lot jayn to
kabhi jab dil bhi bher jaye
koi jab sun na paye to
ager sab dost sathi bhi
jo tum say roth jaein to
kabhi jab khud se lar lar kar
thakan sachoor ho jao
kabhi chahte hue bhi khud akele
ro na pao to
apni ankhon ko bund karna
mujhay awaz de dena
aur phir mera tasawur se
jo chaho batein keh dena
meray kaandhe pe sar rakh kar
tum jitna chaho ro lena
phir khud main jab lot jao to
ussi duniya chale jana
mager bus itna khena hay
ke jab bhi dukh ya khushion main
humain dil say pukaro ge
humain tum sath pao ge....

JAB TERI KALLAI MAI

JAB TERI KALLAI MAI
CHORRIAN KHANAKTEEN HAIN
JAB SHAREER PALKOON KI
PAYALIAN CHANAKTEEN HAIN

JAB FIZA KA SANNATA
KHUD SE GUNGUNATTA HAI
KON YAAD ATTA HAI.....??

JUB TERI NIGHAHOON MAI
DONOO WAQAT MILTAY HAIN
JUB TALAB KI RAHOON MAI
KHUL KAY PHOOL KHILTAY HAIN

JAB KEHYAL KA PANCHI
KHOOF SIRSIRATA HAI
KON YAAD ATTA HAI...??

AJNABI SI AAHAT PAR
JUB BHI DIL DHARAK JAI
JUB BHI GUFTUGOO KHUD SE
HALLAQ MAI ATTAQ JAI

DIL MAI CHOR SA KOI
JUB BHI MUSKURATTA HAI
KON YAAD ATTA HAI...??

JUB BHI GHUP ANDHERAY MAI
BIJLIAN CHAMAKTEEN HAIN
JUB SAJAY KAWAROON MAI
ANDHIYAAN LAPAKTEEN HAIN

JUB RAGOON MAI ANJANA
KHOOF SIRSARATA HAI
KON YAAD ATTA HAI..???

KHAWISHOON KI BASTI MAI
WEHMOON KAY MAILAY MAI
BEKARAAN UDASI MAI
HUM SABHI AKAILAY HAIN

KHUD SE DIL DHARAKTA HAI
KHUD SE DOOB JATA HAI
KON YAAD ATTA HAI..??
KON YAAD ATTA HAI..??


kabhi yaad aao to iss tarah


kabhi yaad aao to iss tarah
k lahoo ki sari tamazatain
tumain rung rung samait lain
tumain dhoop dhoop nikhar dain
tumain harf harf main soch lain
tujay dekhnay ka jo shoq ho
to diar e hijar ki teerigi ko
myzgaan ki nok say noch lain

kabhi yaad aao to iss tarah
k dil o nazar main samaa sako
kabhi had say habs e junoon barhay
to hawas ban k bikhar sako
kabhi khill sako shab e wasal main
kabhi khoon e dil main sanwar sako
sar e rah guzar jo millo kabhi
na thehr sako na guzar sako

mera dard phir say ghazal banay
kabhi gun-gunaao to iss tarah
meray zakhm phir say gulab hoon
kabhi muskarao to iss tarah
meri dharkanain b laraz uthain
kabhi dil dukhao to iss tarah

jo nahi to phir baray shoq say
sabhi rabtay, sabhi zaabtay ,
kaheen dhoop chaaon tor do
na shikast e dil ka sitam saho
na suno kissi ka azaab e jaan
na kissi say apni khalish kaho
yuun he khush raho yuun he khush phiro

na ujar sakain na sanwar sakain
kabhi chor jao to iss tarah
na sisak sakain na bilak sakain
kabhi bhool jao to iss tarah
kissi toar jaan say guzar sakain
kabhi yaad aao to iss tarah
kabhi yaad aao to iss tarah

Ab Aansuoon Ko Aankhon Main Sajaana Hoga

Ab Aansuoon Ko Aankhon Main Sajaana Hoga
Chiraagh Bhuj Gai Khud Ko Jalaana Hoga

Na Samjhna K Tumse Bicharh K Khush Hain
Humain Logon Ki Khaatir Muskuraana Hoga

Phir Shaam Dhal Gai Tum Aaiay Na Aaj Bhi
Dil Ko Aaj Phir Umeedoon Se Behlaana Hoga

Waada Khilaafi Kar K Muskurate Ho Aap
Dekhna Aik Din Sanam Aapko Pashtaana Hoga

Lahoo Se Apne Kafan Pe Tera Naam Likh Jaoungi
Thaam K Haath Main Phool Tumko Aana Hoga

Abhi Se Na Kejiyai Takaaz-E-Masroofiat K Aap
Abhi Utthna Hai Janaza Kaandha To Daina Hoga

Muddaton Kiya Hai Tera Intizaar Aai Sanam
Umar Kat Chuki Ab To Jaana Hoga

123urdupoetry Design Poetry








Design Poetry





Mohabbat Thahar Jaati Hai

Mohabbat Thahar Jaati Hai
Hum aksar yeh samajhtay hain
Jisay hum piyaar kartay hain
Usay hum bhool baithay hain
Magar aisa nahin hota
Mohabbat daimi such hai
Mohabbat thahar jaati hai !!!
Hamari baat kay andar
Mohabbat baith jaati hai
Hamari zaat kay andar
Magar yeh kam nahin hoti
Kisi bhi dukh ki soorat mein
Kabhi koi zaroorat mein
Kabhi anjaan se gham mein
Kabhi lehjay ki thandak mein
Udaasi ki zaroorat mein
Kabhi baarish ki soorat mein
Hamari aankh kay andar
Kabhi aab-e-rawan ban kar
Kabhi qatray ki soorat mein
Bazahir aisa lagta hai
Usay hum bhool baithay hain
Magar aisa nahin hota
Magar aisa nahin hota....
Yeh hargiz kam nahin hoti...
MOHABBAT THAHAR JAATI HAI.. !!!

MOHABBAT RAIT JESI HE

MOHABBAT RAIT JESI HE

Mujhe ye ghalt fehmi thi

k muhabbat dhaair sari he

donon hathon men bhar kar

tmam umar sumbhalon ga

kabhi khone nhn don ga

muhabbat khone k dar se

mutthiyan bheench lin men ne

mgar jb muttyian kholin

to dono hath khali thay

kun kay

MUHABBAT RAIT JESI HE


Kal halki halki barish thi

Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal badal kalay gehray thay
Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
KAL YAAD BOHUT TUM AYE THAY!!!

Dil Nahi Chahta Mera Hansne Ko Israar Na Kar

Dil Nahi Chahta Mera Hansne Ko Israar Na Kar
Aansoo Bhi Toone Diye Chahe To Iqraar Na Kar

Ab To Dil Chahta Hai Din Raat Andhero Me Rahu
Roshni Jhoonth Ki Dekar Mujhe Bezaar Na Kar

Ujry Ujry Se Manzar Ko Kaha Tak Dekhu
Neend Aankho Mein Bhari Hai Mujhe Bedaar Na Kar

Kaun Baitha Hai Meri Raah Take Yaad Kare
Jaake Ab Kiss Se Kahu Mera Intezaar Na Kar

Saans Ka Boojh Uthaaoo Ya Usse Samjhaaoo
Zinda Rehne Ki Dua De Kar Sharam Sar Na Kar...

Dard deker mohabbat ki ada bhool gaye

Dard deker mohabbat ki ada bhool gaye
Dil mein the kaid mager rasm-e-wafa bhool gaye.

Jin aankhoN meiN chhalakte the sharaab her dum yuiN,
Kya ghula Zeher, maikede ka nasha bhool gaye

Zakhm dete rahe Lawa bhhi ugalta hi raha,
Guzre haiN Ishq mein per Rooh-e-wafa bhool gaye.

Shumaar rehte kabhie the aziz logoN meiN,
Ab khyaloN meiN bhi woh dil ka pata bhool gaye.

Be-piye 'musafir' Gunah kerne ko mazboor hua,
Saza toh yaad rahi our khata bhool gaye.

dil pe jo tere ghum ki inayat nahi hoti


dil pe jo tere ghum ki inayat nahi hoti
aankhon se aansuon ki rafaakat nahi hoti
hum rehnuma se iltizaa kare tou kyun kare
dariya ko raaston ki zaroorat nahi hoti
bujhta hai ai chiraag-e-zindagi tou bujh jaye
ab humse teri aur hifaazat nahi hoti
jane yeh log kaise nibhate hai jafaaein
humse tou iss gunaah ki himmat nahi hoti
patthar kahon use tou kis zuban se kahon
pattharon mein itni nazakat nahi hoti
tujhko gaye hue tou zamane guzar gaye
yaad teri iss dil se kyun rukhsat nahi hoti
jo bhul jaye tumko tum bhi usko bhula do
woh mohabbat tou mohabbat nahi hoti

sakoot-e-jaan ka matlub batado phir chalay jana

sakoot-e-jaan ka matlub batado phir chalay jana
ya phir sargoshian dil ki suna do phir chalay jana

jo mera or tumhara waqt guzra hansnay ronay may
usey poori terha say tum bhulado phir chalay jana

ye saray pair podey tum bina ik rut jagay hay
tum aakay ik baar inko sulado phir chalay jana

kisi ko chahney ka aur kisi sey chahey janey ka
jo hay ahsaas tum usko bhulado phir chalay jana

bus ik hansi say apnay ashkon ko chupanay ka
jo fun aata hay tum ko, wo shikhado phir chalay jana

wo jo ik lafz-e-ulfat hay,juda hay apnay ma'ani say
bus in alfaz-o-manni ko mitado phir chalay jana

jo kehtey kehtey ruk gaye, un sari batoon ki
sama`at ko talab hay wo suna do phir chalay jana

na janay kyon hay lakin dekhnay ki tum ko aadat hay.........
meri ye be-waja aadat chura do phir chalay jana

merey in roz-o-shub ka ik fakat unwan bus tum ho........
mujhay tum doosra unwan lado phir chalay jana


kaheen mile to usay yeh kehna

kaheen mile to usay yeh kehna

kaheen mile to usay yeh kehna

faseel e nafrat gira raha hoon

gaye dinon ko bhula raha hoon

wo apny waday se phir gaya hai

main apna wada nibha raha hoon

kaheen mile to usay yeh kehna

na dil main koi malal rakhey

hamesha apna khayal rakhey

Sare Ghum apne Woh dede Mujh ko

tamam khushian sanbhal rakhe

kaheen mile to usay yeh kehna

Wo Dil Mein Basa Kuch Istarha

Wo Dil Mein Basa Kuch Istarha,

Mein Sari Dunya Bhulati Rahi,

Har Sans Mein Uski Khushbo Ati Rahi,

Mein Pal Pal Dil Ko Behlati Rahi,

Kabhi Hans Kar Kabhi Ro Kar,

Mein Mohabbat Ki Galiyon Ko Sajati Rahi,

Har Raat Chand Ko Takti Rahi,

Har Ghari Uska Intezar Karti Rahi,

Har Khushi Mile Usay Zindagi Mein,

Har Pal Ye Dua Karti Rahi,

Na Miley Koi Gham Usay,

Khud Aanhein Bhar Kar Roti Rahi,

Har Din Mein Usko Chahti Rahi,

Har Pal Uski Yaad Ati Rahi,

Har Raat Ko Wo Yaad Ata Raha,

Har Raat Meri Yun Sulagti Rahi,

Kuch Khoyi Uski Baaton Mein Istarha,

Bus Usi Ki Awaz Ko Sunti Rahi,

Usay Har Pal Yaad Rakhnay K Liye,

Bus Usi K Gun Gaati Rahi,

Gumm Huii Us CHAND Mein Yun,

Har Simt Usi Ki Surat Dekhti Rahi,

Bus Kati Meri Zindagi Istarha,

Mein Usi Ki Khatir Jeeti Rahi,

Wo DIL Mein Basa Kuch Istarha,

Mein Sari Dunya Bhulate Rahi……

ikk Wo K Faqat Rooth Ke Jane Ke Liye Tha

ikk Wo K Faqat Rooth Ke Jane Ke Liye Tha
Or Mein K Usey Roz Manane Ke Liye Tha

Hum Jis Ki Tamana Mein Hue Taariq_e_Duniya
Wo Shakhs Kisi Or Zamane Ke Liye Tha

Ghairo'n Ke Liye Tum Ne Jise Torh Diya Tha
Wo Ahd_e_Rafaqat Tau Nibhane Ke Liye Tha

Harr Baar Wo Dhone Se Numaya Hi Huwa Hai
ik Dagh Jo Us Dil Se Mitane Ke Liye Tha

Us Ko Tu Kabhi Mujh Se Mohabbat Hi nahi Thii
Ye Khail Tau Duniya Ko Dikhane Ke Liye Tha


Design Poetry