dil mein hozaroorat to mohabbat nahi milti



dil mein hozaroorat to mohabbat nahi milti,
khairat mein itni badi daulat nahi milti.
kuch log un hi shahar mein humse khafa hain,
har ek se to apni tabiyat nahi milti.
dekha tha jise maine koi aur tha shayad,
vo kaun hai jisse teri surat nahi milti.
haste huye chehron se hai baajar ki zannat,
rone ko yahan vaise bhi fursat nahi milti.

Gair ko dard batane ki zaroorat kya hai ,
Apne jhagde mein jamane ki jaroorat kya hai.
Zindagi vaise hi bahut kam hai mohabbat ke liye,
Roothkar waqt gawane ki zaroorat kya.

Teray Pyar Ki Arzoo Thi Jo Mujhay Mil Na Saka


Teray Pyar Ki Arzoo Thi Jo Mujhay Mil Na Saka
Dil Main Wo Phool Sajaya Jo Kabhi Khil Na Saka
Basi hai Ik Hi Moorat Meray Dil Main
Khoya Jo Usey Phir Wesa Koi Kabhi Mil Na Saka

Chupaya Hai Tujhay Pelkon Main Khuab Ki Terhaan
Meri Ankhoon Ke Samander Ko Kinara Mil Na Saka
Dil Ke Raaste Main Koi Is Terhan Se Na Bhatke
Ke Doobta Hi Chala Gaya Koi Sahara Mil Na Saka

Teri Chahat Main Janey Kitni Door Nikal Gaya Hoon Main
Per Meri Kismat, Ik Pal Ko Bhi To Meray Sath Chal Na Saka
Hai Ye Meri Dua Ke Sada Aabad Reho Tum
Milay Her Wo Sukh Tumhain Jo Mujhay Kabhi Mil Na Saka..

Ik arzOo hai puri parwrdgar kre,




Ik arzOo hai puri parwrdgar kre,
Mein dair say jaon wo mere intzar kre,

Apne hathon say sanwarun zlfein uski,
Wo sharma ker mhabat ka iqrar kre,

Lipat jay mujhse aalm e madhoshi mein,
Or josh e janum mein mohabaat ka izhar kre,

Ho shab e wisal ya RAB!,
Kia bheegi zulfon say mujhe bedaar kre,

Jab use chor kia jana chahun Wasi,
Wo roka or ik raat ka israr kre,

Qasam khada ki main kisi or ka ho nahi sakta!
Ya wada e wafa wo bar bar kre…

Pal main doori

Pal main doori ho jate hai
Zaat adhori ho jate hai

Ankhoon main neend aati nahe
raat poori ho jate hai

pehlay tu hote hai chahat
phir majboori ho jate hai

tanhai jab bhol pare tu
baat zaroori ho jate hai

kuch loagoon ki lamha bar main
khwahish puri ho jate hai

had se pyar guzar jaey tu
aksar doori ho jate hai

Benaam Sa Ye Dard

Benaam Sa Ye Dard"
Benaam Sa Ye Dard, Thehar Kyon Nahi Jata,
Jo Beet Gaya Hai, Woh Guzar Kyon Nahi Jata,

Sab Kuch To Hai, Kya Dhundti Rahti Hai Nigahe,
Kya Baat Hai Main Waqt Pe Ghar Kyon Nahi Jata,

Woh Ek Hi Chera To, Nahi Sare Jahan Mein,
Jo Dur Hai Woh Dil Se Utar Kyon Nahi Jata,

Main Apni Hi Uljhi Hui Raho Ka Tamasha,
Jate Hain Jidhar Sab, Main Udhar Kyon Nahi Jata,

Woh Naam Jo Barso Se, Na Chehra Na Badan Hai,
Woh Khawaab Agar Hai To Bikhar Kyo Nahi Jata

heart Attack


Sab Ka Ehsaan Uthaney Ki Zaroorat Kya Hai

Sab Ka Ehsaan Uthaney Ki Zaroorat Kya Hai
Saath Tum Ho To Zamaney Ki Zaroorat Kya Hai

Dil Se Tae Kar K Kisi Roz Alag Ho Jao
Chorna Hai To Bahaaney Ki Zaroorat Kya Hai

Kya Hua Uss Se Jo Pehla Sa Taaluq Na Raha
Shehar Ko Chorr K Jaaney Ki Zaroorat Kya Hai!

Masla Dono Ka Hai Tae Bhi Karen Ge Dono
Shehar Ko Beech Main Laaney Ki Zaroorat Kya Hai

Khwahishen Dil Se Nikal Aaen To Hairat Kaisi
Inn Parindon Ko Thikaaney Ki Zaroorat Kya Hai

Phool Ko Shor Machatey Kabhi Dekha Hai Qamar
Tum Ho Khushboo To Btaney Ki Zaroorat Kya Hai?


IS MOHABBAT MEIN , MAIN AKELI THI

Na koi khuwaab na koi saheli thi... 
is muhabbat mein, mein akeli thi...

ishq mein tum khaan ke sache the...
jo azziyat thi hum ne jheli thi...

yaad ab kuchh nahin raha lekin...
aik darya tha ya haweli thi...

jis ne uljha ke rakh diya dil ko...
woh muhabbat thi ya paheli thi...

mein zara si bhi kam wafa kerti...
tum ne to meri jaan leli thi...

waqt ke saanp kha gaye us ko...
mere aangan mein aik chanbeli thi...

is shab-e-gham mein kis ko batlaoon...
kitni roshan meri hatheli thi


Mujhay Sirf Itna Kahna Hai

Mujhay Sirf Itna Kahna Hai
Agar Mein Yaad Aoon Tu

Kabhi Tanhayee Ki Raatein
Tum ko Ziada Satain Tu

Kabhi Titly Na Bolay Tu
Aur Jugno Laut Jaye Tu

Kabhi Jab Dil Bhi Bhar Jaye Tu
Jab Koi Sun Na Paye Tu

Agar Sab Dost Saathi
Sab Tum Say Rooth Jain Tu

Jab Khud Say Lar Lar kay
Thak Kay Choor Ho Jaoo Tu

Kabhi Chahtay Huay Bhi
Akailay Roo Na Paoo Tu

Apni Aankhoon Ko Band Karna
Mujhay Awaaz Day Dainaa

Aur Phir Meray Tassawur Say
Jo Chaho Baatein Kah Dainaa

Meray Kandhay Par Sar Rakh kay
Jee Bhar Kay Roo Lainaa

Phir Jab Tum Laut Jao Tu
Usi Duniya Chalay Jana

Magar Bas Itna Kahna Kah
Jab Bhi Dukh Ya Khushy Mein

Hamein Dil Say Pukaroo gay
Hamein Saath Paoo Gay ... !!!


Tere bazm mai aa jaaon to qaraar aa jaaye


Tere bazm mai aa jaaon to qaraar aa jaaye
meri veraan duniya mai bhi bahaar aa jaaye

Nazar to uthti hai par deedar ki himmat nahi
darta hoon ke meri kismat ko nikhaar aa jaaye

Mujhse lillah na cheeno mere hosh-o-hawaas
aise na dekho ke mujhko khumaar aa jaaye

Baad-e-bahaar khiza ka aana laazim kyon hai
phir kabhi na ujhde aisi nau-bahaar aa jaaye

Jabh reh jaana hai tanha inhi raahon par
phir kyon kar mujhe kisi par pyaar aa jaaye

Khud Ko Sataane Ki Aadat Si Hai Mujhe

Khud Ko Sataane Ki Aadat Si Hai Mujhe

Jaan Le Na Koi Haal-E-Dil Is Dar Se
Bewajha Muskurane Ki Aadat Si Hai Mujhe

Youn To Tere Dar Se Namuraad Lauta Hoon
Qismat Ko Aazmaane Ki Aadat Si Hai Mujhe

Mein Jantaa Hoon Ke Too Laut Kar Na Ayegaa
Dil Ko Behlaane Ki Aadat Si Hai Mujhe

Chaand Gham Na Kar Mein Bhi Tera Saathi Hoon
Ke Ratjagae Manane Ki Aadat Si Hai Mujhe

Kabhi To Woh Bhi Sochain Ge Acha Nahi Hua
Khush Fehmian Jagane Ki Aadat Si Hai Mujhe


Wo Rula ker Hans Na Paya Der Tak

Wo Rula ker Hans Na Paya Der Tak
Jab Mein Ro ker Muskuraya Der Tak

Bhulna Bhi Chaha Ager Usko Kabhi
Aur Bhi Wo Yaad Aya Der Tak

Bhuke Bachon Ki Tasali Ke Liye
Maa Ne Phir Pani Pakaya Der Tak

Gun Gunata Ja Raha Tha ik Faqir
Dhoop Rehti Hai Na Saya Der Tak

Us Ko Ju kayhna Tha Pal main kah gaya

Us Ko Ju kayhna Tha Pal main kah gaya
Ju Mujay kayhna Tha Dil main rayh gaya

Phool Ka Daman jabhi Tu Chak Hay
Bay Kasi ka Muntazir He Rayh Gaya

Ju Laho Kal Tak Ragon Main tha rawan
Aaj Aankhon Say Wo Sara Bayh Gaya

Dil Kali Say Barh Kar Nazuk Tha Batol
Kis Tarha Hijar Musalsal Sayh Gaya..


A daughter's love

بیٹیاں وفاؤں جیسی ہوتی ہیں

تپتی زمیں پر آنسوؤں کے پیار کی صورت ہوتی ہیں
چاہتوں کی صورت ہوتی ہیں
بیٹیاں خوبصورت ہوتی ہیں
دل کے زخم مٹانے کو
آنگن میں اتری بوندوں کی طرح ہوتی ہیں
بیٹیاں پھولوں کی طرح ہوتی ہیں
نامہرباں دھوپ میں سایہ دیتی
نرم ہتھیلیوں کی طرح ہوتی ہیں
بیٹیاں تتلیوں کی طرح ہوتی ہیں
چڑیوں کی طرح ہوتی ہیں
تنہا اداس سفر میں رنگ بھرتی
رداؤں جیسی ہوتی ہیں
بیٹیاں چھاؤں جیسی ہوتی ہیں
کبھی بلا سکیں، کبھی چھپا سکیں
بیٹیاں اَن کہی صداؤں جیسی ہوتی ہیں
کبھی جھکا سکیں، کبھی مٹا سکیں
بیٹیاں اناؤں جیسی ہوتی ہیں
کبھی ہنسا سکیں، کبھی رلا سکیں
کبھی سنوار سکیں، کبھی اجاڑ سکیں
بیٹیاں تو تعبیر مانگتی دعاؤں جیسی ہوتی ہیں
حد سے مہرباں، بیان سے اچھی
بیٹیاں وفاؤں جیسی ہوتی ہیں

tum aaye ho na shab-e-intazaar guzarii hai

tum aaye ho na shab-e-intazaar guzarii hai 
talaash me.n hai sahar baar baar guzarii hai


junuu.N me.n jitanii bhii guzarii bakaar guzarii hai
agarche dil pe Kharaabii hazaar guzarii hai


huii hai hazarat-e-naaseh se guftaguu jis shab
wo shab zaruur sar-e-kuu-e-yaar guzarii hai


wo baat saare fasaane me.n jisakaa zikr na thaa
wo baat unako bahot naa-gavaar guzarii hai


na gul khile hai.n, na unase mile, na mai pii hai
ajiib rang me.n ab ke bahaar guzarii hai


chaman me.n Gaarat-e-gulachii.N se jaane kyaa guzarii
qafas se aaj sabaa beqaraar guzarii hai

Chhatri Laga Ke Ghar Se Nikalne Lage Hain Hum

Chhatri Laga Ke Ghar Se Nikalne Lage Hain Hum,
Ab Kitnii Ehtiyaat Se Chalne Lage Hain Hum,

Is Darje Hoshiyar To Pehle Kabhi Na The,
Ab Kyun Qadam Qadam Pe Sambhalne Lage Hain Hum,

Ho Jaate Hain Udas Ke Jab Dopehar Ke Baad,
Suraj Pukarta Hai Ke Dhalne Lage Hain Hum,

Aisa Nahin Ke Barf Ki Maanind Ho Magar,
Lagta Hai Yun Ke Jaise Pighalne Lage Hain Hum,

Aainaa Dekhne Ki Zarurat Na Thi Koi,
Khud Jante The Hum Ke Badalne Lage Hain Hum,

Is Ka Yaqeen Aaj Bhala Kis Ko Aayega,
Ek Dheemi Dheemi Aanch Mein Jalne Lage Hain Hum



aadatein bhii ajeeb hotii hain ...!!!

saans lenaa bhii kaisii aadat hai
jiiye jaanaa bhii kyaa ravaayat hai
koii aahaT nahin badan mein kahin
koii saayaa nahin hai aankhoon mein
paoon behis hain, chalte jaate hain
ik safar hai jo bahataa rahtaa hai
kitane barason se, kitanii sadiyon se
jiye jaate hain, jiye jaate hain
aadatein bhii ajeeb hotii hain ...!!!

Duniya ko jiski chand si soorat se pyar hai



Duniya ko jiski chand si soorat se pyar hai
Mujhko tou uski soch ki wussat se pyar hai

Uski muhabbaton ki nahi shart ya talab
werna tou har kisi ko zaroorat se pyar hai

Aey kash zindagi tere khuwabon mein kaat ta
Mein kya karoon ke mujhko haqeeqat se pyar hai

Barh kar kisi ke husn-e-ada rang-o-roop se
Humko kisi ke tarz-e-muhabbat se pyar hai

Majnoo ka sab khuloos hai mere mizaaj mein
Sehra se mujhko uns hai wehshat se pyar hai


Jis sham barastay hain tere hijr k badal

Jis sham barastay hain tere hijr k badal
Us shab koi hijr ka tara nahi hota
Yun hi mere pehlu mein chala ata hai aksar
Wo dard jisy main ne pukara b nahi hota


Kal Raat Bahut Toot Ke Barsa Tha Ye Badal

Kal Raat Bahut Toot Ke Barsa Tha Ye Badal,
Aur Humne Bhi Ashqon Mein Bhigo Ke Aanchal,

Ye Dilki Lagi Chain Se Rehne De To Sochein,
Kyon Phailta Jaata Hai Meri Aankh Mein Kajal,

Is Dilse Koi Puchhe Ye Zeest Kati Kyonkar,
Jab Jaan Ye Shikasta Thi Dil Gam Se Tha Ghayal,

Phir Yaad Tujhe Karke Ye Nain Baraste Hain,
Jab Shaam Dhale Dard Ke Uthe Koi Badal...

Dhoop ho chaho`n ho tum saath nibhaya kerna


Dhoop ho chaho`n ho tum saath nibhaya kerna,
merey chehray pe sada palkon ka saaya kerna,

raah dekhunga tumhari main tamam umar,
kabhi jaldi kabhi dair say aya kerna,

daant lena sar e mehfil koi baat nahi,
phir akelay main gale lag k manaya kerna,

jaan jaoonga main khushbu say tumhari tum ko,
tum peechay say meri aankhon ko chupaya kerna,

jaagna chahun to raat bher kerna batein,
neend ajaye to seenay pe sulaya kerna ...


meri jaan wapsi ka aik rasta rakhna perta hai

meri jaan wapsi ka aik rasta rakhna perta hai
taluk toot bhi jae tu rishta rakhna perta hai

jinhain hum dil ki gehraion se sacha piyar kerte hain
jab un se baat ho tu khaas lehja rakhna perta hai

humari rooh ki hiddat ko jo na serd perne de
humain apne badan main esa shola rakhna perta hai

tujhe ger apni batain na sunaon!tu kahan jaon?
k tere samne iss dil ka shisha rakhna perta hai

sada aabad rakhe jo teri yadon ko iss dil main
k ane saath ik esa bhi lemha rakhna perta hai

humare dil main chahe chand jesi lakhon galian hon
andhere k liy bhi aik rasta rakhna perta hai

bhale jitne bhi dukh,jitne bhi gham hum ko milain
mizaj apna her ik soorat shugufta rakhna perta hai


Jo khayal thay na ke yas thay wohi log mujh se bicher gaye


Jo khayal thay na ke yas thay wohi log mujh se bicher gaye
Jo Muhabatoon ki asas thay wohi log mujh se bicher gaye

Jinhain manta hi nahi yeah Dil ' Wohi log mairay hain humsafer
Mujhay her tarha se jo raas thay' Wohi log mujh se bicher gaye

Mujhay lamha bhar ki Rafaktoon' Ke sarab aur sataien gaye
Mairy umer bhar ki jo Payas thay wohi log mujh se bicher gaye

Yeah khayal saray hain Aarzi' Yeah gulab hain saray kaghzee
Gul Aarzoo ki jo baas thay wohi log mujh se bicher gaye

Jinhain ker saka na kabool main ' wo shareek-e-safar howe
Jo mairy talab' mairy Aas thay wohi log mujh se bicher gaye

Mairy dharkanoon ke kareeb thay' Mairy Chah thay' Maira Khawab thay
Wo jo Roze-O-Shab mairay paas thay wohi log mujh se bicher gaye




Barish mein jo nikli main

Barish mein jo nikli main

maatam ki sada aayi

noha mera kehne ko

pur-shur hawa ayi.

Iss ghar ki chatien kuch tu

mazboot karu tum bhi

baher tu zara jhankuo

ghanghor ghata aayi.

Main baech ke puhnchi hoon

iss dil ki sabhi qadrein

per log kehte hein....

main bighri ko bana aayi.

Nuqsaan tumhara hai

tum ne na suna kuch bhi

dilchasp sa qissa tha

gheeroon ko suna aayi

Yeh jism tu fani hai

ruhon ka milan huga

yeh jiss mein likha tum ne..

woh khat bhi jala aayi

Main haar chuki baazi

iss aankh macholi ki

her simat tumhein dhonda

her simat hila aayi.

बेअमल को दुन्या में राहतें नहीं मिलतीं

बेअमल को दुन्या में राहतें नहीं मिलतीं
दोस्तों दुआओं से जन्नतें नहीं मिलतीं

इस नए ज़माने के आदमी अधूरे हैं
सूरतें तो मिलती हैं, सीरतें नहीं मिलतीं

अपने बल पे लड़ती है अपनी जंग हर पीढ़ी
नाम से बुजुर्गों के अज्मतें नहीं मिलतीं

जो परिंदे आंधी का सामना नहीं करते
उनको आसमानों की रफतें नहीं मिलतीं

इस चमन में गुल बूटे खून से नहाते हैं
सब को ही गुलाबों की किस्मतें नहीं मिलतीं

शोहरतों पे इतरा कर खुद को जो खुदा समझे
मंज़र ऐसे लोगों की तुर्बतें नहीं मिलतीं

मंज़र भोपाली



Mera saawan B tum ho meri pyas B tum ho

Mera saawan B tum ho meri pyas B tum ho,
Sehra ki bahon mein chupi aas B tum ho,

Tum yun to bht door bht door ho mujh sy,
Ehsaas ye hota hy Mery paas B tum ho.

Hr zakham ki aghosh mein hy dard tumhara,
Hr dard mein taskeen ka ehsaas B tum ho.


Kho jao to veeran c ho jaati hein rahein,
Mil jao to phir Jeeny ka ehsaas B tum ho.
Likhta hon to tum hi utarty ho qalam sy,
Parhta hon to lehja B tum,Aawaz B tum ho…!

Bohat thakaan badan mein mere safar ki rehi

Bohat thakaan badan mein mere safar ki rehi
Magar shook ki manzil k har nagar mein rehi

Woh jis pe chal kay sadah paoon zakhm zakhm huwe
Na jane khooj humahin kiun ess he dagar ki rehi

Khuda Ney fitrat e aazadi woh baanai hai
L jis mein ruh shaheed e bey khatar ki rehi

Jo meri zaat ki pinhaiyaaN samjh leiti
Tammam umar zarorat ous ek nazar ki rehi

Jab Apne app mein duobey falak ko chuoh aaye
K eihtiyaat humain ab baal o par ki rehi

Humain say sunnatain ab bhi zindaa hai
K har zamaney ko hajat humhare sar ki rehi

Billa sababb Toh karamat pe apni Naaz nehi
K chaar daang mein shohrat mere aasar ki rehi

Raaton Mein Agar Na Ashq Bahaun To Kya Karun

Raaton Mein Agar Na Ashq Bahaun To Kya Karun,
Ek Pal Bhi Usko Bhool Na Paaun To Kya Karun,

 
Maine Suna Hai Unko Andhere Nahi Pasand,
Raahon Mein Ab Main Dil Na Jalaun To Kya Karun,

TuM Hi Kaho Chhod De Jab Zindagi Bhi Saath,
Phir Maut Ko Gale Na Lagaun To Kya Karun,

Socha Tha Ke Chhod Dun Unki Gali,
Lekin Kahin Qaraar Na Paaun To Kya Karun...
 

hoon Ajeeb Kashmakash main

Hoon ajeeb kashmakash may

Hoon ajeeb kashmakash may
hui Zindagi parai,
Meray pas teri yadain,
teray pas Bewafai,

Meray dil ko tu nay cheena,
Meri preeth jag nay luti,
Mera dil b hai paraya,
Meri preeth b parai,



Tujhay khwab he may dekho,
Ye Bharam b aj toota,
Teray khwab kesay dekho,
Mujhay need he na ai.



Aao. or na socho


Aao...
or na socho.
soch ke kia paao gey..
jitna bhi samjhey ho.
itna hi pachtaao gey.
Aao..
or na socho..
tum ehsas ki jis manzil per ab pohnche ho.
wo meri dekhi bhali hai.
jane bhi do.
is ka kab tak sogg manana..
yeh dunia andar se kion itni kaali hai..
Aao..kuch ab jeene ka saman karen hum.
such ke hathon,,,hum ne jo shakal paaye hai..
jhoot ke hathon.
woh mushkil asaan karen hum.
tum meri ankhon me ankhen dal ke dekho.
phir me tum se saari jhuti qasmen khaaun.
phir tum woh sari jhuti baten dohrao.
jo sab ko acchi lagti hen.
jesey...
wafa karne ki baten..
jeene ki...
marne ki baten..
hum dono yun waqt guzaren.
.me tumko kuch khuwaab dikhaun.
tum mujhko kuch khuwaab dikhao.
jinki koi taabeer na ho.
jitne din yeh mail rahe ga..
dekho acha khel rahe ga.
or kabhi dil bhar jaye to.
kehdena tum..
beet gaya milne ka mausam.
Aao.
or na socho...
soch ke kia pao gey...



Aaj udaasi nay phir chheRaa hai saaz


Aaj udaasi nay phir chheRaa hai saaz
Aaj dard phir kuch sunaayega
Tanhaayiii nay baaNdhay haiN ghuNgroo
Aaj waqt bhi thahar jaayega


ChaaNd ! apni chaaNdni idhar rakh jaanaa
Aanay haiN aaj kuchh bhoolay huay say chehray
Ashko ! aaj tum bhi ji bhar kay beh lenaa
Behal jaayeN aisay hi shaayad ahsaasoN kay safeenay
Naghmo !Aaj qadam saMbhal saMbhal kay rakhna
Aaj ki raat khwaaboN kay naam hai
In lamhoN ka hai chalan aisaa
Ki aaj tarpaygi takhleeq lefz dar lafz
Khaamoshi ka zehr subko pilaayaa jaayega


Aaj ki raat zindagi pay bhaari hai
Aaj jalaiNgay khwaahishoN kay alaav
HaNstay haNstay hoga aaj umeedoN ka qatl
Meri zindagi aaj phir mayzbaan bani hai
Woh baras jab jazbaat nay li thi pehli angRaayii
Us baras ki yaad aaj mehmaan bani hai


Woh door ufaq pay uthtay haiN ghubaar
MehmaanoN kay qaafily pahuNchnay waalay haiN
Dard-e-dil ko saMbhaaluN ab main
Ai faza'oN tum hawaaoN pay likh lena
BehoshioN main nazm jo banaa loon ab main