Ek shakhs paas reh kar bhi samajha naheen mujhe
Iss baat ka malaal hai shikwaa naheen mujhe
Main usko bewafai ka ilzaam kaisey doon
Usne to ibteda sey hi chaha naheen mujhe
Kya kya umeedein bandh ke pohncha tha samne
Usne toh aankh bhar ke bhi dekha naheen mujhe
Patthar samajh ke paaon ki thokar bana diya
Afsos teri aankh ne parkha naheen mujhe
Mujhko bhi theharna na tha us ke nagar main ab
Achha hua ke usne bhi roka naheen mujhe
0 Comments