Usy To Kho He Chuky Phr Khyal Kya UsKa

Usy To Kho He Chuky Phr Khyal Kya UsKa
Ye Fikr Kesi K Ab Hoga Haal Kya UsKa

Wo Ek Shakhs Jisy Khud He Chor Bethe Thy
Ghulaye Deta Hy Dil Ko Malal Kya UsKa

Tumhari Ankho Me Chalkain Nidamtain Kese
Jawab Ban'ny Lga Hy Sawal Kya UsKa

Tumhare Apne Iradön Me Koi Jhol Tha
Kaho K Milna Tha Aisa Muhaal Kya UsKa

Wo Nafraton K Bhanwar Me B Muskura K Mila
Ab Is Se Barh K Bhala Ho Kamal Kya UsKa

Ab Is Trha B Na Yadon Ki Kirchiyan Chunye
Na Tha Firaq Se Behtr Visal Kya UsKa

Ye Soch Kr Na Mily Phr Usy Kabi "Khalid"
K Jany Hoga Nidamat Se Haal Kya UsKa