Hum Teray Dost Hayn Faraaz Magar

Hum Teray Dost Hayn Faraaz Magar

Lay Urra Phir Koi Khayyal Humayn
Saqiyya Saqqiyya Sanbhaal Humayn

Ro Rahay Hayn Kay Ayk Adat Hay
Warna Itna Nahi Mulaal Humayn

Khalwati Hayn Teray Jamaal Kay Hum
Ayenay Ki Tarah Sanbhaal Humayn

Ikhtalaaf E Jahaan Ka Runj Na Tha
De Gayye Maat Hum-Khayyal Humayn

Kiyya Tawaqqo Karayn Zamanay Se
Ho Bhi Garr Jurrat E Sawaal Humayn

Hum Yahaan Bhi Nahi Hayn Khush Laykin
Apni Mehfil Se Matt Nikaal Humayn

Hum Teray Dost Hayn Faraaz Magar
Ab Na Aur Uljhannon Mayn Daal Humayn