Sab apni zaat ke izhaar ka tamasha hai

Sab apni zaat ke izhaar ka tamasha hai
Wagar na kon yahan paaniyon pe chalta hai

Tamaam umar ki naghma-garii ke baad khula
Ye shahar apni samaat main sang jaisa hai

Ussay bhi dhang na aaye ga baat kerny ka
Mujhay bhi arz-e-hunar ka kahan saleeqa hai

Mera wajood hai or be-shumaar aankhain hain
Ye saara shahar hai or uss main ek chehra hai

Chatton se dhoop to ruktii hai bukh taltii nahin
Talaash-e-rizq main ghar se nikalna perta hai

Kaha nahin tha tujhay iss ke saath saath na chal
Hawa ke saamnay kis ka chiraagh jalta hai