Mujh ko meri zaat kay chungal say nikalo

Mujh ko meri zaat kay chungal say nikalo
girnay lagi hoon bhanwar main koi to bacha lo

Aye kash meri bhatkee sochon ko rah milay
tootay huay wajood ko tum aisay sambhalo

Nafrat kahin mujh ko ghairay main na lay lay
aye dost mere mujh say mujhe a kay chura lay

Duniya ki nigahon main raqabat hai ziyada
jo ho sakay to jaan mujhe duniya say chupa lo

Jab kuch na ban sakay to bus itna hi kar do
yun chheeno mujhe sab say mujhe apna bana lo