mai aik zarra sahi kainaat bhar me rahoon

mai aik zarra sahi kainaat bhar me rahoon
nazar na aaoo'n k ik halqa e sharar me rahoon

dua ye he meri ghairat pe koi aanch na ho
agar rahoon to tere husn k asar me rahoon

Khuda karey mujhey dunya tujhi se pehchaney
teri nazar se giroon ya teri nazar mai rahoon

jo mujhsey pyar nahi mera intezar hai kyu
nahi hoon dil mai to kyun teri chashm e tarr mai rahoon

barhe sukoon se so kar bhi jism toot'ta he
me raat ko bhi kisi khwab k safar me rahoon

boht ajeeb mera andaz e khud farebi he
door ki baat karoon or apne ghar me rahoon