Labon Pe Rukti Dilon Main Sama Nahin Sakti

Labon Pe Rukti Dilon Main Sama Nahin Sakti
Woh Aik Baat Jo Lafzon Main Aa Nahin Sakti.

Jo Dil Main Hona Zara Ghum Tu Ashk Pani Hai
Ke Aag Khaak Ko Kundan Bana Nahin Sakti.

Yaqeen Ghuman Se Bahar Tu Ho Nahin Sakta
Nazar Khaayaal Se Aagey Tu Ja Nahin Sakti.

Dilon Ke Ramz Faqat Ehle Dard Jante Hain
Teri Samajh Main Meri Baat Aa Nahin Sakti.

Ye Soz-E-Ishq To Gongey Ka Khwab Hai Jaisey
Meri Zaaban Meri Haalaat Bata Nahin Sakti.....