Bin tere kya karoon jahaan le kar

Bin tere kya karoon jahaan le kar
ye zameen or ye aaskaam le kar

ashk chalkaye baal bikhraye
wo gaye meri daastaan le kar

do jahaan ki talab se farigh hoon
tera dar tera aastaan le kar

urh gaye sab chaman ko, reh gaye hum
chaar tinkoun ka aashiyaan le kar

rang e mehfil tera barhaney ko
aaye hum chashm e khoon fishaan le kar

sab gaye poochney mizaaj unka
main gaya apni daastaan le kar

sab phiray le k apney yousuf ko
main phira gard e kaarvaan le kar

sab uray le k phool gulshan se
or hum apna ashiyaan le kar

meri taqdeer kya bataon Jaleel..
ja rahi hay mujhe kaha le kar...