ab khoof nahi koi mujhay raah guzar say

ab khoof nahi koi mujhay raah guzar say
main door nikal ayee hoon pathar k nagar say

dewaar uthatay ho to mazboot uthao
ayesa na ho dar jao kahee'n apne hi ghar say

ye laug bhi achay hain, maka'n bhi aur shehr bhi
bas main hi hoon bayzaar in achoo'n k nagar say

ek morh pe hum ajnabi ban k bhi milaingay
ye baat to maloom thi agaz-e-safar say

jaisi bhi hoon achi k buri,apne liye hoon,
main khud ko nahi daikhti auro'n ki nazar say..