Aap ko thi piyari ana , sahib

Aap ko thi piyari ana , sahib
ham hi kartay rahay wafa sahib

zakhm khayay hen jo muhabbat mein
kitna detay hen ye maza , sahib

Shanon pe gaisoo hen yon bikhray
jaisay sawan ki ho ghata , sahib

Kiun rooth gayay ho ham say
kia hoi ham say khata, sahib

Shairy jo ham kartay hen
aap ki hay ye ataa , sahib

Shayed khabar hay unkay aanay ki
taroon mein hay ziyaa , sahib

Unka milna nahi hay qismat mein
kia kisi say karen ham gila, sahib

Sar e tasleem kham karta hon
meray maola ki jo raza , sahib

Nahin khaof mujhko dushman ka
sath meray hay KHUDA , sahib

Sar sajday mein ho,maot aayay
darwaish ki hay ye duaa , sahib