aaj ke din na puchho mere dosto

aaj ke din na puchho mere dosto
duur kitane haiN Khushiyaa.N manaane ke din
khul ke haNsane ke din geet gaane ke din
pyaar karane ke din dil lagaane ke din

aaj ke din na puchho mere dosto
zaKhm kitane abhi baKht-e-bismil meiN haiN
dasht kitane abhii raah-e-ma.nzil meiN hain
tiir kitane abhii dast-e-qaatil meiN hain

aaj ke din zubuN hai mere dosto
aaj ke din to yuN hai mere dosto
jaise dard-o-alam ke puraane nishaaN
sab chale suu-e-dil kaaravaaN kaaravaaN
haath seene pe rakho to har ustaKhvaaN
se uThe naalaa-e-al'amaaN al'amaaN

aaj ke din na puuchho mere dosto
kab tumhaare lahuu ke dariidaa alam
farq-e-Khurshiid-e-mahashar pe honge raqam
az karaaN taa karaaN kab tumhaare qadam
leke uThegaa vo bahar-e-KhuN yam-ba-yam
jis dil me.n dhul jaayegaa aaj ke din ka Gam
saare dard-o-alam saare jaur-e-sitam
duur kitanii hai Khurshiid-e-mahashar kii lau
aaj ke din na puuchho mere dosto..!!