Na samajh saka mujhe koi ye badi ajeeb baat hai

Na samajh saka mujhe koi ye badi ajeeb baat hai,
Aye zindagi tu hi bata de kyun tu itna udass hai.

Hawayein bhi rukh badal chuki wo bahar bhi jati rahi,
Tha hujum me main bhi kabhi par ab nahi koi pass hai.

Dard beshumar hai main chahu agar to kis se kahun,
Jo qareeb tha wahi door hai jo door hai wahi khass hai.

Ummidein bhi jati rahi ab to us ke aane ki,
Wahi khawab hai wahi zindagi jis ki mujhe talash hai.

Tanha bhi hun majboor bhi koi aarzoo bhi baaqi nahi,
Ab maut de do aye KHUDA ye zindagi ek laash hai.

Na samajh saka mujhe koi ye badi ajeeb baat hai,
Aye zindagi tu hi bata de kyun tu itna udass hai..