Kaha tha kis ne ke ehad-e-wafa karo uss se

Kaha tha kis ne ke ehad-e-wafa karo uss se
Jo yoon kiya hai to phir kyun gila karo uss se

Ye ahl-e-baz tunak hausala sahi phir bhi
Zara fasana-e-dil ibtida karo uss se

Yeh kya ke tum hi gham-e-hijr ke fasaney kaho
Kabhi to uss ke bahaney suna karo uss se

Naseeb phir koi taqreeb-e-qarb ho ke na ho
Jo dil mein ho'n wohi baatein kiya karo uss se

Faraz tark-e-ta'alluq to khair kiya hoga
Yehi bahut hai k kam kam mila karo uss se