Gungunate howe Aanchal ki hawa de muje ko

Gungunate howe Aanchal ki hawa de muje ko
Ungliya pher ke balon main sula de muje ko

Yaad kar ke muje ko taqleef hi hoti ho gi
Aik qisa ho purana sa bhula de muje ko

Dobte dobte awaaz teri sun jawo
Akhari bar tu sahil se sada de muje ko

Dekh main ho gaya badnaam kitabon ki tarah
Meri tashheer na kar ab tu jala de muje ko

Rothtna tera meri jan leye jata hai
Aise naraz na ho hans ke dekha de muje ko

Yehi auqat hai meri tere jewan main ke main
Koi kamzoor sa lamha ho bhula de muje ko

Aur kuch bi nahi manga kere Malik tuje se
Is ki galyon main pari khak bana de muje ko

Post a Comment

0 Comments