Tum per to aitebar tha khud se siwa mujhe

Tum per to aitebar tha khud se siwa mujhe
Lekin kahaN yaqeen muqaddar ka tha mujhe

WaadoN ko tum ne toR ke di hay dagha mujhe
Kis moo se keh rahay ho sanam, bewafa mujhe

Kese asar kare bhala mujh per dawa koi
Jab de raha hay zakhm wo har pal naya mujhe

Mera Khuda kare ga hifazat miree sada
JaooN kahiN bhi, rehta hay yahi aasra mujhe

Jaane miraa shareek-e-safar kho gaya kahaN
Khud hi talash karna hay ab raasta mujhe

Har bar sochti huN k us ko pukaar looN
Har baar rok leti hay meri anaa mujhe

:Anmol: sochti huN yehi baat aajkal
Meri sharaarateN heN kahaN, kya hua mujhe?