Neenden bhi meri ankhonse churata hai wo hi shakhs

Neenden bhi meri ankhonse churata hai wo hi shakhs
So jaoon to khuwabon main satata hai wo hi shakhs

Har zakham bhi us hi ka tohfa hai mere liye
Har zakham pe marham bhi lagata hai wo hi shakhs

Veeran bhi rakhta hai shab-o-roz bhi wo mere
Kamre main mere phool bhi sajata hai wo hi shakhs

Yun to wo mujhe yaad kia kerta hai aksar
Jab chahe magar bhool bhi jaata hai wo hi shakhs

Tore bhi mujhe or bikhere bhi zameen par
Phir kirchiyan bhi meri uthata hai wo hi shakhs