Hamen to Saath ChaLna Thha

Hamen to Saath ChaLna Thha..!!?
Hamen to Saath Rehna thha..
Tumhen aik Ghar banana thha.
Mujhe jis ko Sajana thha..
Sunehri JaaLion se Lag k'
Tera Intezaar Karna thha..
Agar Tum der sey Aatey to..
Mujhe ko Rooth Jana thha..
Tumhen Mujh ko Manana thha..
PaharoN per PighaLti Baraf ki manand...
Mujhe Dheerey se Hansna thha..
Bohat si Un Kahi Baaton ko..
Hum ne Lufz deney thay..
Kabhi Barish k Mosom mein..
Younhi Sheeshon pe Bajtey Jaltarang Sun k..
Kaye Nazmen tumhen apni..
Mujh se Mansoob karna theen..
Abhi to tum ne mujh ko..
Baansri k Sur sikhaaney they..
Hamen to Saath ChaLna Thha..!!?
Hamen to Saath Rehna thha..

Post a Comment

0 Comments