Gamon ne gher liyaa hai mujhe to kyaa Gam hai

Gamon ne gher liyaa hai mujhe to kyaa Gam hai
main muskuraa ke jiyuungaa terii Khushii ke liye
kabhii kabhii tuu mujhe yaad kar to letii hai
sukuun itanaa saa kaafii hai zindagii ke liye

ye vaqt jis ne palaT kar kabhii nahiin dekhaa
ye vaqt ab bhii muraadon ke phal laataa hai
vo mor jis ne hamen ajanabii banaa Daalaa
us ek mor pe dil ab bhii gun_gunaataa hai

fizaayen rukatii hain raahon par jin se ham guzare
ghaTaayen aaj bhii jhuk kar salaam karatii hain
har ek shab ye sunaa hai falak se kuchh pariyaan
vafaa kaa chaand hamaare hii naam karatii hain

ye mat kaho ki muhabbat se kuchh nahiin paayaa
ye mere giit mere zaKhm-e-dil kii rulaaii
jinhen tarasatii rahii anjuman kii rangiinii
mujh milii hai muqaddar se aisii tanhaaii