Chehre Pe Mere Zulf Ko Failao Kisi Din,

Chehre Pe Mere Zulf Ko Failao Kisi Din,
Kya Roz Garje Ho Baras Jao Kisi Din,

Raazon Ki Tarah Utro Mere Dil Mein Kisi Shab,
Dastak Pe Mere Haath Ki Khul Jao Kisi Din,

Pedon Ki Tarah Husn Ki Baarish Mein Naha L'un,
Badal Ki Tarah JhooM Ke Gir Jao Kisi Din,

Khushbu Ki Tarah Guzrun Main Dil Ki Gali Se,
Phoolon Ki Tarah Mujhpe Bikhar Jao Kisi Din,

Phir Haath Ko Hairat Mile Band-E-Qaba Ki,
Phir Lutf-E-Shab-E-Wasl Ko Dohrao Kisi Din,

Guzrein Jo Mere Ghar Se To Ruk Jaayein Sitare,
Is Tarah Meri Raat Ko ChaMkao Kisi Din,

Main Apni Har Ek Saans Usi Raatko De Dun,
Sar Rakh Ke Mere Seene Pe So Jao Kisi Din...

Post a Comment

0 Comments