Ab Teri yaad sey vehshat nahin hoti mujh ko

Ab Teri yaad sey vehshat nahin hoti mujh ko
Zakhm khiltey hain tu aziyat nahin hoti mujh ko

Ab koi aaey ya chala jaiey main khush rehta hoon
Ab kisi shakhs ki aadat nahin hoti mujh ko... !!

Aisa badla hoon terey shehr ka paani pee kar
Jhoot boloon tou nidamat nahin hoti mujh ko

Hay amanat main khayanat, so kisi ki khatir
Koi marta hay tou Hairat nahin hoti mujh ko

Itna masroof hoon jeeney ki haviss main ab tou
Saans lainey ki bhe Fursat nahin hoti mujh ko

Post a Comment

0 Comments