Shab dhalay chaand bhi niklay tou sahi
dard jo dil main hai chamki tou sahi
hum waheen per hi basa lain khud ko
woh kabhi raah main rokay tou sahi
sab se hatt ker hi manana hai usay
humse aik baar woh roothay tou sahi
dil usi waqt sambhal jaye ga
dil ka ehwaal woh poochay tou sahi
us ki nafrat bhi mohabbat hogi
meray baray main woh sochay tou sahi
us k qadmoon mein bichaa doon ankhain
meri basti se woh guzray tou sahi
us k sab jhoot bhi sach hain mohsin
shart itni hai woh bolay tou sahi
0 Comments